Hvað og fyrir hvern?

Markmiðið með Mannamáli er að gera fræðilegt efni um íslensku og önnur mannleg mál aðgengilegt, þ.e. að miðla störfum fræðafólks á mannamáli, af því það nennir enginn að lesa langar, þurrar, þunglamalegar og stirðar fræðigreinar, er það nokkuð?

Mannamál er gefið út á vegum íslenskusviðs Árnastofnunar en höfundar efnis koma úr ýmsum áttum. Allir eiga það sameiginlegt að vinna störf þar sem tungumálið er í brennidepli, til dæmis við málfræðirannsóknir, tungumálakennslu, máltækni og stefnumótun sem varðar íslensku.